Экскурсіі — Казань

Алена, дзякуй вялікі за цікавую , насычаную рознымі неверагоднымі фактамі экскурсію па Пінску. Мы нават арганны канцэрт паспелі паслухаць крышачку.Час праляцеў як адзін міг, і шкада было развітвацца са старажытным горадам.

Шчыры дзякуй за вандроўку па поўначы Беларусі!(24.08.24 тур на востраў Ду) Усё было цудоўна арганізавана: транспарт, экскурсійнае суправаджэнне, харчаванне.👌 Уразіла сваімі памерамі Асвейскае возера! Шыкоўны далягляд адкрыўся з вострава Ду, дарэчы не толькі на нашу любую Беларусь, але і на сумежную Латвію! Руіны Асвейскай сядзібы прымушаюць задумацца аб вечным, а прыгожая легенда аб моцным каханні уздымаецца высока у неба прыгажуняй Сар’янскай царквой і заклікае да новых пачуццяў!❤️ Усё было вельмі цікава! Асабісты дзякуй нашаму суправаджаячаму Максіму за прафесіяналізм, дакладнасць і РОДНУЮ МОВУ!!! Спадзяюся на новыя сустрэчы! Яшчэ раз дзякую!

Шчыра дзякуем за цiкавае падарожжа па Магiлеву. Экскурсовод адзiн з лепшых. Добра ведае гiсторыю, прыемны субяседнiк. Спадзяюся на далейшае супрацоунiцтва.

Вялікі дзякуй Андрэю за цудоўную экскурсію, за найцікавейшыя гісторыі пра горад старадаўняга і цяперашняга часу, за месцы, якія ніколі б самі не заўважылі, за разгорнутыя адказы на шматлікія пытанні, а таксама за валоданне ангельскай мовай, што дазволіла турысту з дальняга замежжа адкрыць для сябе неверагодны Горадзень! Мой шчыры рэкамендасьон!

13.09.22 наведалi Лiду. Экскурсiя з мясцовым гiдам Артурам вельмi спадабалася. Цiкава зазiрнуць у́ часы нашай мiнуу́шчыны. Тым больш праз прызму рыцарства, да якога Артур мае непасрэднае дачыненне.

Былі на экскурсіі з Галінай, вельмі добрыя ўспаміны засталіся, насамрэч цудоўнае месца гэтыя балоты і шчэ большы цуд гэта тое, што людзі робяць для яго аховы, іх свядомае стаўленне і пільны клопат. Часам здавалася, што гэта нейкая магія, вось так проста знаходзіцца ў сэрцы Ельні, і адчуваць сябе ў бяспецы. Цікава і нечакана было пачуць галасы рэдкіх птушак (дзякуй Галіне за такую магчымасць!) і даведацца аб падрабязнасцях іх поўнага прыгод і пагроз жыцця. Спадабалася, што Галіна напрыканцы экскурсіі зрабіла невялікі тэст для нас, гэта было нават весела) Хацелася б адзначыць, што вельмі зручна было атрымліваць ад гіда інструкцыі па фатаграфаванню - сур'ёзна, мы былі такім ў захапленні ад краявідаў, што каб не Галіна, мабыць, увогуле забылі б зрабіць фоткі, а яна падказвала і добрыя месцы, і нават як больш удала стаць)) Агульнае ўражанне ад гэтай мясціны - моцны спакой, serenity. Цяпер, мяркую, калі патрэбна будзе натхненне каб неяк жыць гэтае жыццё, мы станем згадваць менавіта Ельню. Дзякуй, Ельня, дзякуй, Галіна, мы яшчэ прыедзем!

250 км ад Менска да Ельні – гэта 250 прычын правесці свае восеньскія выходныя побач з Гасцініяй, бо цудоўным было літаральна ўсё. Каб прачнуцца раніцай а пятай, мне не быў патрэбны будзільнік, бо ў мае вокны так моцна дула і біла паветра, што спаць было немагчыма. Але калі я адчуў гэтае ж самае паветра, збіраючы журавіны побач з Аліей, я адчуў, што гэта і ёсць сапраўдны эка-турызм з доляй экстрыму. Асабліва спадабаўся Аляксандр, які нават без вады і святла змог арганізаваць файную вячэру. Дзякуй мададой спецыялістке Сашэ за граматную працу, прафесійны тайм-мэнэджмэнт і цікавыя падарункі💚

Пётр праводзіў экскурсію па гістарычнаму цэнтру Бярэсця для нас з сынам 26.10.24. Калі казаць адным словам - гэта было цудоўна!!! Падзеі паводле Пятра паўставалі перад намі не звычайным пералікам фактаў, а вельмі жывымі, насычанымі эмоцыямі, цікавымі жыццёвымі падрабязнасцямі. Гісторыя выходзіла эмацыйна маляўнічая, што і прываблівае, калі даносіцца ад шырока адукаванага чалавека, са сваім позіркам, з густам і ўпэўненасцю гаворкі. А інтэрактыўны метад вядзення экскурсіі з'явіўся для мяне дадатковым бонусам, Пётр дакладна, са шматлікімі фактамі адказваў на ўсе пытанні. Рэкамендую Пятра як крутога гіда і вельмі цікавага чалавека, стасункі з якім пралятаюць хвілінамі!

Карына - неверагодная! Цікавая экскурсія з вялікай колькасцю невідавочных фактаў. 4 гадзіны мінулі незаўважна, а размовы у хаце вядзем ужо другі дзень. Не паўтаральная!!!

Вельмі пазнавальная і займальная экскурсія! Пан Юрась дорыць пазітыўны настрой. Любіць і ведае гісторыю свайго роднага краю і ўмее данесці да ўдзельнікаў экскурсіі. Распавядае цікавыя факты, якія складана знайсці ў Інтэрнэце. Спадабалася, што прыводзіць цытаты беларускіх пісьменнікаў. Калі вам патрэбныя пазітыўныя эмоцыі, хуткасць, прыгожыя пейзажы, то вам да пана Юрася!