Туры на на цягніку

Цудоўная экскурсія з цікавымі фактамі аб горадзе. Было вельмі прыемна вабіць час, нягледячы на дрэннае надвор'е.

Карына - неверагодная! Цікавая экскурсія з вялікай колькасцю невідавочных фактаў. 4 гадзіны мінулі незаўважна, а размовы у хаце вядзем ужо другі дзень. Не паўтаральная!!!

Вельмі пазнавальная экскурсія з цудоўным гідам Алегам, які з такім захапленнем распавядае пра гісторыю горада, што мы ўсе, і дарослыя, і дзеці, былі зачарованы яго аповядам, час праляцеў вельмі хутка. Прыемна сустракаць на сваім шляху такіх прафесіяналаў, шчыра ўлюблёных у сваю краіну і гісторыю

Вельмі пазнавальная і займальная экскурсія! Пан Юрась дорыць пазітыўны настрой. Любіць і ведае гісторыю свайго роднага краю і ўмее данесці да ўдзельнікаў экскурсіі. Распавядае цікавыя факты, якія складана знайсці ў Інтэрнэце. Спадабалася, што прыводзіць цытаты беларускіх пісьменнікаў. Калі вам патрэбныя пазітыўныя эмоцыі, хуткасць, прыгожыя пейзажы, то вам да пана Юрася!

Гэта была найцудоўнейшая экскурсія. Столькі інфармацыі новай, столькі цікавых фактаў, такія неймаверныя ўражанні ад балотаў атрымалі, усё словамі не перадаць. І параду паглядзець на балоты ў розныя сезоны - паспрабуем ажыццявіць (таксама з Касяй :) ) Пасля шпацыру з Касяй па балотах нейкі дзіўны страх балот сыйшоў на не. На яго месца прыйшла павага і любоў да такіх мясцінаў. Галоўнае ведаць, што можна, а што нельга рабіць. І вось тут Кася і дапамагае :) Дзіўнае адчуванне, што бачыш чалавека ўпершыню, а развітваешся з ім, як з дарагім сябрам - вось што такое прагуляцца па балотах з Касяй

Шчыры дзякуй за вандроўку па поўначы Беларусі!(24.08.24 тур на востраў Ду) Усё было цудоўна арганізавана: транспарт, экскурсійнае суправаджэнне, харчаванне.👌 Уразіла сваімі памерамі Асвейскае возера! Шыкоўны далягляд адкрыўся з вострава Ду, дарэчы не толькі на нашу любую Беларусь, але і на сумежную Латвію! Руіны Асвейскай сядзібы прымушаюць задумацца аб вечным, а прыгожая легенда аб моцным каханні уздымаецца высока у неба прыгажуняй Сар’янскай царквой і заклікае да новых пачуццяў!❤️ Усё было вельмі цікава! Асабісты дзякуй нашаму суправаджаячаму Максіму за прафесіяналізм, дакладнасць і РОДНУЮ МОВУ!!! Спадзяюся на новыя сустрэчы! Яшчэ раз дзякую!

Алена, дзякуй вялікі за цікавую , насычаную рознымі неверагоднымі фактамі экскурсію па Пінску. Мы нават арганны канцэрт паспелі паслухаць крышачку.Час праляцеў як адзін міг, і шкада было развітвацца са старажытным горадам.

Шчыра дзякуем за цiкавае падарожжа па Магiлеву. Экскурсовод адзiн з лепшых. Добра ведае гiсторыю, прыемны субяседнiк. Спадзяюся на далейшае супрацоунiцтва.

Вялікі дзякуй Андрэю за цудоўную экскурсію, за найцікавейшыя гісторыі пра горад старадаўняга і цяперашняга часу, за месцы, якія ніколі б самі не заўважылі, за разгорнутыя адказы на шматлікія пытанні, а таксама за валоданне ангельскай мовай, што дазволіла турысту з дальняга замежжа адкрыць для сябе неверагодны Горадзень! Мой шчыры рэкамендасьон!

13.09.22 наведалi Лiду. Экскурсiя з мясцовым гiдам Артурам вельмi спадабалася. Цiкава зазiрнуць у́ часы нашай мiнуу́шчыны. Тым больш праз прызму рыцарства, да якога Артур мае непасрэднае дачыненне.