Агроусадьба «Заезд Зубачи»

Аграсядзіба “Заезд Зубачи” знаходзіцца ў вёсцы Зубачы, ля вадасховішча Сялец, Бярозаўскі раён, у 120 км. ад Брэста.

Да паслуг гасцей на тэрыторыі сядзібы – катэдж, абсталяваны ўсёй неабходнай мэбляй і тэхнікай, альтанка, сажалка, паркінг, зона барбекю, лазня з тэрасай. У доме – 2 спальныя пакоі, кухня, санвузел з гарачай вадой.

Можна гатаваць самастойна – у доме маецца ўсё для гэтага патрэбнае. Ёсць таксама магчымасць арганізацыі ўрачыстасцяў: вяселлі, юбілеі, карпаратывы.

Навакольныя лясы багатыя на грыбы ды ягады. Вадасховішча Сялец – у некалькіх метрах ад сядзібы, таму яна выдатна пасуе аматарам рыбалкі. Магчыма таксама арганізацыя роварных прагулак, рыбалкі і палявання, экскурсій па ваколіцах.

Горад Бяроза – ў 17 км., горад Пружаны – ў 30 км., горад Камянец з вядомай Камянецкай вежай – у 85 км. ад сядзібы. Да палацу Пуслоўскіх у Косава – 50 км. Да палацу Сапегаў у Ружанах – 40 км.

Аграсядзіба “Заезд Зубачи” – выдатны варыянт для сямейнага адпачынку і невялікіх кампаній.