Усадьба «Золотой ручей»

Аграсядзіба “Золотой ручей” знаходзіцца ў вёсцы Гранаўка, Рэчыцкі раён, у 41 км. ад Гомеля.

Да паслуг гасцей на тэрыторыі сядзібы – дом на 25 чалавек, абсталяваны ўсёй неабходнай мэбляй і тэхнікай, зона барбекю, тэрасы, паркоўка, сажалка, руская лазня. У доме – спальныя пакоі, камін, кухня, банкетная зала на 40 чалавек, санвузлы з гарачай вадой. Участак упрыгожаны дэкаратыўным вадаспадам.

Гаспадары сядзібы прыгатуюць для Вас смачныя стравы з экалагічна-чыстых прадуктаў. Госці могуць гатаваць самастойна – у доме маецца ўсё для гэтага патрэбнае. Магчыма правядзенне ўрачыстасцяў, карпаратываў, вечарынаў у сядзібе.

Навакольныя лясы багатыя на грыбы ды ягады. Рака Дняпро і возера Вялікае – ў некалькіх метрах ад сядзібы, таму яна добра пасуе аматарам рыбалкі і палявання. У вадаёмах водзяцца: акунь, карась, сом, лінь, шчупак. Магчыма арганізацыя сплаваў на плытах ці турыстычных байдарках, рыбалкі і палявання, а таксама экскурсій па ваколіцах.

Горад Рэчыца – ў 25 км. ад сядзібы.

Аграсядзіба “Золотой ручей” – выдатны варыянт для карпаратыўнага ды сямейнага адпачынку.