Агроусадьба «Заповедный остров»

Аграсядзіба “Заповедный остров” знаходзіцца ў вёсцы Шо, Глыбоцкі раён, у 145 км. ад Віцебска.

Да паслуг гасцей на тэрыторыі сядзібы – тры камфартабельныя дамы, абсталяваныя ўсёй неабходнай мэбляй і тэхнікай, зона барбекю, паркоўка, лазня. Дамы драўляныя, а экалагічная мэбля з дрэва – ручной працы.

Гаспадары сядзібы прыгатуюць для Вас смачныя стравы з экалагічна-чыстых прадуктаў. Таксама ёсць магчымасць гатаваць самастойна – у дамах маецца ўсё для гэтага патрэбнае.

Навакольныя лясы багатыя на грыбы ды ягады. Аграсядзіба размешчана паміж двума азёрамі: Івесь і Азерко, таму яна добра пасуе аматарам рыбалкі. У туташніх азёрах распаўсюджаны: лешч, шчупак, плотка, лінь, сазан, язь, карась, ракі. Маюцца свае пірсы і абсталяваныя пляцоўкі. Лодкі для рыбалкі прадастаўляюцца бясплатна.

Недалёка ад сядзібы знаходзіцца конегадоўчая ферма, дзе можна навучыцца верхавой яздзе.

Горад Глыбокае - ў 45 км., касцёл Святой Ганны ў вёсцы Мосар – у 63 км., дом-музей Васіля Быкава ў вёсцы Бычкі – ў 20 км., возера Шо – ў 5 км. ад сядзібы.

Аграсядзіба “Заповедный остров” – выдатны варыянт для сямейнага адпачынку і адпачынку з дзецьмі. У двары ўсталяваныя вялікія металічныя арэлі-лодачкі, батут, горкі, пясочніца.