Агроусадьба «Тихое местечко»

Аграсядзіба “Бяседа” знаходзіцца ў вёсцы Пунішча, Лепельскі раён, у 125 км. ад Віцебска.

Да паслуг гасцей на тэрыторыі сядзібы – два дамы, абсталяваныя ўсёй неабходнай мэбляй і тэхнікай, альтанка, зона барбекю, паркоўка, руская лазня. У першым доме – 3 спальні, разлічаныя на 6 чалавек, гасцёўня, санвузел з гарачай вадой. Другі дом разлічаны на 4 чалавекі, у ім ёсць таксама санвузел з гарачай вадой.

Госці могуць гатаваць самастойна – у дамах маецца ўсё для гэтага патрэбнае. У гаспадароў можна набыць экалагічна-чыстыя прадукты.

На бяспечнай адлегласці ад сядзібы размешчана пчаліная пасека, таму гаспадары пачастуюць вас свежым мёдам. На тэрыторыі сядзібы маюцца таксама дзве хаткі для вуллетэрапіі, што ўяўляе сабой блізкі кантакт з пчоламі і ўдыханне гаючага паветра з вулляў.

Навакольныя лясы багатыя на грыбы ды ягады. Аграсядзіба добра пасуе аматарам рыбалкі. У 100 метрах ад сядзібы – азёры Пышнае і Долгае. Маецца пясчаны пляж, на якім можна пазагараць.

Горад Лепель – у 18 км., пасёлак Ушачы – ў 39 км., горад Глыбокае – ў 100 км. ад сядзібы.

Аграсядзіба “Бяседа” – выдатны варыянт для сямейнага адпачынку з дзецьмі і невялікіх кампаній.