Усадьба «Снеги парк»

Аграсядзіба “Снеги парк” знаходзіцца ў вёсцы Снегі, Міёрскі раён, у 210 км. ад Віцебска.

Да паслуг гасцей на тэрыторыі – дом на 8 чалавек, абсталяваны ўсёй неабходнай мэбляй і тэхнікай, зона барбекю, тэраса, альтанка, паркоўка. У доме – некалькі пакояў, кухня, санвузел з гарачай вадой.

Госці могуць гатаваць самастойна – у доме маецца ўсё для гэтага патрэбнае.

Навакольныя лясы багатыя на грыбы ды ягады. У некалькіх метрах ад дома – возера Укля, на якім можна зладзіць выдатную рыбалку, а ўлетку пакупацца і пазагараць. Таму сядзіба добра пасуе аматарам рыбалкі. Можна ўзяць напракат лодку для водных прагулак і джып, каб пазнаёміцца з мясцовымі славутасцямі.

Горад Браслаў – у 35 км., аграгарадок Друя – у 48 км., возера Струста – у 40 км., возера Дрысвяты – у 70 км. ад сядзібы.

Аграсядзіба “Снеги парк” – выдатны варыянт для сямейнага адпачынку з дзецьмі.