Агроусадьба «Рыбацкая Пульва»

Аграсядзіба “Рыбацкая Пульва” знаходзіцца ў пасёлку Чачэвічы, ля Чыгірынскага вадасховішча, Быхаўскі раён, у 57 км. ад Магілёва.

Да паслуг гасцей на тэрыторыі сядзібы – гасцявы дом, абсталяваны ўсёй неабходнай мэбляй і тэхнікай, альтанка-музей, більярдная, спартыўная пляцоўка, паркінг, зона барбекю, руская лазня па-чорнаму. У доме – кухня, санвузел, гарачая вада.

Гаспадары сядзібы прыгатуюць для Вас смачныя стравы з экалагічна-чыстых прадуктаў. Таксама ёсць магчымасць гатаваць самастойна – у доме маецца ўсё для гэтага патрэбнае.

Магчыма правядзенне ўрачыстасцяў, канферэнцый, карпаратываў у сядзібе.

Чыгірынскае вадасховішча – ў некалькіх метрах ад сядзібы, таму яна выдатна пасуе аматарам рыбалкі. Можна парыбачыць з уласнага пірса. Навакольныя лясы багатыя на грыбы ды ягады. Гасцям таксама прапануюцца: прагулкі на катэры, байдарках, лыжах, катамаране і экскурсіі па ваколіцах.

Горад Быхаў – у 40 км., горад Бабруйск – у 58 км., горад Рагачоў – у 75 км. ад сядзібы.

Аграсядзіба “Рыбацкая Пульва” – выдатны варыянт для карпаратыўнага ды сямейнага адпачынку.