Усадьба «Охотный Двор» на озере

Аграсядзіба “Охотный двор” знаходзіцца ў вёсцы Бабынічы, ля возера Бобына, Полацкі раён, у 135 км. ад Віцебска.

Да паслуг гасцей на тэрыторыі сядзібы – чатыры катэджы, абсталяваныя ўсёй неабходнай мэбляй і тэхнікай, тэрасы, спартыўная пляцоўка, альтанка з відам на возера, зона барбекю, паркоўка, лазня. У кожным доме ёсць санвузел з гарачай вадой. Усяго сядзіба разлічана на 40 чалавек.

Гаспадары сядзібы прыгатуюць для Вас смачныя стравы з экалагічна-чыстых прадуктаў. Таксама ёсць магчымасць гатаваць самастойна – у дамах маецца ўсё для гэтага патрэбнае.

Навакольныя лясы багатыя на грыбы ды ягады. Возера Бобына – ў некалькіх метрах ад сядзібы, таму яна выдатна пасуе аматарам рыбалкі і палявання. У возеры водзяцца: лешч, плотка, шчупак, вокунь, лінь. Да паслуг гасцей – лодкі, гідрацыклы, пляцоўкі выхаду да возера. Магчыма таксама арганізацыя палявання, роварных прагулак, экскурсій па ваколіцах.

Горад Полацк – у 38 км., пасёлак Ушачы – ў 20 км., возера Шо – ў 20 км.

Аграсядзіба “Охотный двор” – выдатны варыянт для карпаратыўнага ды сямейнага адпачынку з дзецьмі. На тэрыторыі ёсць дзіцячая пляцоўка.