Усадьба «Над Нёманом»

Аграсядзіба “Над Нёманом” знаходзіцца ў вёсцы Бярозаўка, Лідскі раён, у 130 км. ад Гродна.

Да паслуг гасцей на тэрыторыі сядзібы – тры дамы (асноўны, Хатка Гусляра, Дом-шале), абсталяваныя ўсёй неабходнай мэбляй і тэхнікай, паркоўка, зона барбекю, спартыўная пляцоўка, руская лазня. У асноўным доме – 2 пакоі, камін, санвузел з гарачай вадой. Хатка Гусляра – сваеасаблівы музей, у ім 1 пакой. Дом-шале карыстаецца попытам сярод маладых пар. Асабліва адметны мясцовы ландшафт – шмат дрэва, каменя, кветак.

Гаспадары сядзібы прыгатуюць для Вас смачныя стравы з экалагічна-чыстых прадуктаў. Таксама ёсць магчымасць гатаваць самастойна – у дамах маецца ўсё для гэтага патрэбнае.

Гаспадар сядзібы грае на цымбалах. Яго выступы становяцца галоўнымі ў канцэртах мясцовых музыкаў, якія арганізуюцца для гасцей.

Навакольныя лясы багатыя на грыбы ды ягады. Сядзіба размешчана на беразе ракі Нёман, на беразе якой можна паплаваць і пазагараць. Гасцям прапануецца сплаў па Нёмане на плыце. Магчыма таксама арганізацыя палявання, рыбалкі, экскурсій па ваколіцах, катанне на маторнай лодцы, водных лыжах.

Гаспадары валодаюць англійскай і нямецкай мовамі.

Горад Ліда - у 27 км., горад Навагрудак – у 29 км., горад Іўе – у 50 км. ад сядзібы.

Аграсядзіба “Над Нёманом” – выдатны варыянт для сямейнага адпачынку і невялікіх кампаній.