Усадьба «Домик в пуще» Беловежская пуща

Аграсядзіба “Домик в пуще” знаходзіцца ў пасёлку Маковішча, Камянецкі раён, у 48 км. ад Брэста.

Да паслуг гасцей на тэрыторыі сядзібы – 3 дамы, абсталяваныя ўсёй неабходнай мэбляй і тэхнікай, зона барбекю, тэрасы, паркоўка, лазні з купеллю. Першы дом – двухпавярховы катэдж на 10 чалавек, другі – катэдж з мансардай на 14 чалавек, трэці – гасцявы дом на 8 чалавек. У дамах – кухня, санвузлы з гарачай вадой.

Ёсць магчымасць гатаваць самастойна – у дамах маецца ўсё для гэтага патрэбнае.

Навакольныя лясы багатыя на грыбы ды ягады. Недалёка ад дома ёсць возера, таму сядзіба добра пасуе аматарам рыбалкі. Гасцям прапануюцца пешыя шпацыры, катанне на роварах, вуды і мячы.

Гасцявыя дамы знаходзяцца непасрэдна ў Нацыянальным парку “Белавежская пушча”. Усяго 7 км. да турыстычнага ўваходу ў пушчу, ад якога адпраўляюцца экскурсіі па запаведніку і да беларускага Дзеда Мароза.

Горад Камянец з вядомай Камянецкай вежай – у 15 км., мястэчка Віскулі – у 30 км., Траецкі касцёл у вёсцы Воўчын – у 47 км. ад сядзібы. Да палацу Сапегаў у Ружанах – 107 км. Да палацу Пуслоўскіх у Косава – 127 км.

Аграсядзіба “Домик в пуще” – выдатны варыянт для карпаратыўнага ды сямейнага адпачынку з дзецьмі.