Усадьба «Богинская сказка»

Аграсядзіба “Богинская сказка” знаходзіцца ў аграгарадку Богіна, ля возера Богінскае, Браслаўскі раён, у 265 км. ад Віцебска.

Да паслуг гасцей на тэрыторыі сядзібы – два дамы, абсталяваныя ўсёй неабходнай мэбляй і тэхнікай, альтанка, зона барбекю, паркоўка, руская лазня. У першым доме – 3 спальні, разлічаныя на 7 чалавек, гасцёўня, печ, санвузел з гарачай вадой. Другі дом разлічаны на 4 чалавекі, у ім ёсць таксама санвузел з гарачай вадой. Абодва дамы здаюцца без падсялення.

Госці могуць гатаваць самастойна – у дамах маецца ўсё для гэтага патрэбнае.

Возера Богінскае – ў 100 м. ад сядзібы, таму яна выдатна пасуе аматарам рыбалкі. У возеры водзяцца: лешч, плотка, судак, шчупак, акунь, лінь. Ёсць дзве лодкі, на якіх можна парыбачыць або проста пракаціцца.

Горад Браслаў – у 35 км., аграгарадок Друя – у 69 км., возера Струста – у 45 км., возера Дрысвяты – у 32 км. ад сядзібы.

Аграсядзіба “Богинская сказка” - выдатны варыянт для сямейнага адпачынку з дзецьмі і невялікіх кампаній. На ўчастку ёсць дзіцячая пляцоўка.