Усадьба «Беловежское поместье»

Аграсядзіба “Беловежское поместье” знаходзіцца ў аграгарадку Каменюкі, Камянецкі раён, у 55 км. ад Брэста. Сядзіба размешчана – ў 2 км. ад Белавежскай пушчы.

Да паслуг гасцей на тэрыторыі сядзібы – два дамы, абсталяваныя ўсёй неабходнай мэбляй і тэхнікай, зона барбекю, альтанкі, руская лазня і лазня-SPA. Першы дом – на 4 чалавекі, у ім – 1 спальны пакой, кухня, санвузел з гарачай вадой. Другі дом – на 24 чалавекі, у ім – 6 пакояў, кухня, тэрасы, банкетная зала, санвузлы з гарачай вадой.

Госці могуць гатаваць самастойна – у дамах маецца ўсё для гэтага патрэбнае. Магчыма правядзенне ўрачыстасцяў, карпаратываў, банкетаў у сядзібе.

Навакольныя лясы багатыя на грыбы ды ягады. Недалёка ад дома працякае рака Лясная, таму сядзіба добра пасуе аматарам рыбалкі. Магчыма арганізацыя рыбалкі, роварных прагулак, катання на лыжах узімку, а таксама экскурсій па ваколіцах.

Горад Камянец з вядомай Камянецкай вежай – у 19 км., рэзідэнцыя Дзеда Мароза – у некалькіх км. ад сядзібы. Да палацу Сапегаў у Ружанах – 115 км. Да палацу Пуслоўскіх у Косава – 125 км.

Аграсядзіба “Беловежское поместье” – выдатны варыянт для карпаратыўнага ды сямейнага адпачынку.