Усадьба «4 сезона» Богино

Аграсядзіба “4 сезона” ў аграгарадку Богіна, ля возера Богінскае, Браслаўскі раён, у 265 км. ад Віцебска.

Да паслуг гасцей на тэрыторыі сядзібы – два дамы, абсталяваныя ўсёй неабходнай мэбляй і тэхнікай, тэрасы, спартыўная пляцоўка, альтанкі, зона барбекю, паркоўка, лазня. Першы дом разлічаны на 7 чалавек, другі – на 5. У абодвух дамах ёсць усе выгоды: кухня, санвузлы з гарачай вадой.

Госці могуць гатаваць самастойна – у дамах маецца ўсё для гэтага патрэбнае. У непасрэднай блізкасці ад сядзібы знаходзяцца гаспадаркі, дзе турысты могуць набыць экалагічна-чыстыя прадукты.

Навакольныя лясы багатыя на грыбы ды ягады. Возера Богінскае – ў некалькіх метрах ад сядзібы, таму яна выдатна пасуе аматарам рыбалкі. Пляж пясчаны У возеры водзяцца: лешч, плотка, шчупак, вокунь, лінь. Да паслуг гасцей – лодкі, квадрацыклы. Магчыма таксама арганізацыя экскурсій па ваколіцах.

Мінімальны тэрмін размяшчэння ў сядзібе – 2 ночы.

Горад Браслаў – у 30 км., аграгарадок Друя – у 68 км., возера Струста – у 42 км., возера Дрысвяты – у 32 км. ад сядзібы.

Аграсядзіба “4 сезона” – выдатны варыянт для сямейнага адпачынку з дзецьмі.